
കൊല്ലത്തേക്ക്
പ്രഭാതഭക്ഷണ വിതരണം
വെളിനല്ലൂര് :- വെളിനല്ലൂര് ഗ്രാമപഞ്ചായത്തിലെ സര്ക്കാര് സ്കൂളുകളിലെ കുട്ടികള്ക്കുള്ള പ്രഭാതഭക്ഷണം പദ്ധതിക്ക് തുടക്കമായി. പദ്ധതിയുടെ ഉദ്ഘാടനം ചെറിയ വെളിനല്ലൂര് സര്ക്കാര് എല് പി സ്കൂളിൽ നടന്നു. ആരോഗ്യ വിദ്യാഭ്യാസ സ്റ്റാന്ഡിങ് കമ്മിറ്റി ചെയര്മാന് എച്ച് സഹീദ് അധ്യക്ഷതയിൽ ഗ്രാമപഞ്ചായത്ത് പ്രസിഡന്റ് എം അന്സര് ഉദ്ഘാടന കർമം നിര്വഹിച്ചു.
ഗ്രാമപഞ്ചായത്തിന്റെ വാര്ഷികപദ്ധതിയില് ഉള്പ്പെടുത്തിയാണ് പ്രഭാതഭക്ഷണം പദ്ധതി നടപ്പിലാക്കിയിരിക്കുന്നത്.
സ്കൂള് എച്ച് എം യാസ്മിന് ഷെമിനോവ്, വികസനകാര്യ സ്റ്റാന്ഡിങ് കമ്മിറ്റി ചെയര്മാന് ബി ബിജു, പഞ്ചായത്തംഗങ്ങളായ ടി കെ ജ്യോതി ദാസ്, ഡി രമേശ്, ജനപ്രതിനിധികള്, അധ്യാപകര് തുടങ്ങിയവര് പ്രസ്തുത പരിപാടിയിൽ പങ്കെടുത്തു.

പോഷന് മാഹ് പരിപാടി സംഘടിപ്പിച്ചു
ചിതറ :- ചിതറ ഗ്രാമപഞ്ചായത്തില് ഇടപ്പണ ട്രൈബല് എല് പി എസി ല് പോഷന് മാഹ് സംഘടിപിച്ചു. പഞ്ചായത്ത്, വിദ്യാഭ്യാസവകുപ്പ്, ആരോഗ്യ വകുപ്പ് എന്നിവയുടെ സഹകരണത്തോടെയായിരുന്നു പരിപാടി. പരിപാടിയുടെ ഉദ്ഘാടനം ഗ്രാമപഞ്ചായത്ത് പ്രസിഡന്റ് എം എസ് മുരളി നിര്വഹിച്ചു.
അംഗന്വാടി പ്രവര്ത്തകരുടെ പോഷകാഹാര പ്രദര്ശനം, രക്ഷിതാക്കള്ക്കുള്ള ബോധവത്ക്കരണ ക്ലാസ്, ആരോഗ്യപരിശോധന തുടങ്ങിയവയുമുണ്ടായിരുന്നു.
ചടയമംഗലം അഡിഷണല് സിഡിപിഒ ഒ ആര് പ്രീത അധ്യക്ഷയായി. ഐ സി ഡി എസ് സൂപ്പര്വൈസര് ജെ സബിനിസ, സ്കൂള് എച്ച് എം ബീന, ആരോഗ്യ വകുപ്പ് ഉദ്യോഗസ്ഥര്, ജനപ്രതിനിധികള് തുടങ്ങിയവര് പങ്കെടുത്തു.





